Por se non vos derades de conta agora esta páxina conta con unha axenda na que figurarán os principais eventos da chave como son torneos, actos ou asembleas.
En estas datas o que mais abunda son os campionatos de chave pero na directiva ás veces non podemos dar conta nin dos anuncios das datas nin do resultado final da competición polo que aos clubs organizadores pediriámoslles que nos avisarades e nós o anunciaremos con gusto.
Outro ano mais organizase o torneo en Casa Canosa en Perlío, os equipos que se queiran apuntar que chamen ao bar antes do venres que é o sorteo
Comezando en o 1 de xullo celebrouse en Mugardos o 41 Campionato de chave Club del Mar, con a participación dos seguintes equipos: O Pazo, Outeiro, Lúa Nova, L.S. Limodre, Lar de Picas, Xomar, C.P.S. de San Valentin, Casa Tilocha, Cuatro Caminos, Casino Mugardés A, Casino Mugardés B e Pinabeta.
Clasificáronse para a final do día 17 de xullo O Pazo, C.P.S. San Valentín e Lúa Nova quedando así a clasificación:
Máximo chavista da 1ª fase, o xogador Ricardo do C.P.S.
Xa rematou a liga deste ano e os campión do ano foron O Pazo de Franza (Mugardos) na primeira división, a A.VV. San Pablo (Ferrol) na segunda división e o Cuatro Caminos (Mugardos) na terceira división.
Na primeira división despois dunha primeira fase da liga onde os seus seguidores puideron seguirlle o paso O Pazo volveu a marcar distancias co resto da tempada e volve a ser campión
Na segunda división dous equipos que militaron na primeira división a tempada pasada volverán ao seu sitio acompañados polo Fumazo A
Na terceira división produciuse un fito nunca antes visto e foi que o primeiro clasificado, o Cuatro Caminos formado por xente con experiencia na liga, gañou todos os partidos da liga sen excepción. Todo un récord.
Este ano gracias a distribución en tres categorías as ligas equilibráronse e en todas as categorías se ben a parte superior da táboa decidiuse antes, os postos medios e baixos tiveron que esperar ate o último momento para decidirse.
Os tres primeiros clasificados de segunda e terceira teñen praza asegurada na categoría superior o ano que ven e os descensos, como todos os anos, virán determinados polo número de equipos cos que a liga conte o ano pasado. Este ano xa houbo un aumento de cinco equipos respecto o ano pasado e para a tempada que ven esperamos outro aumento na participación.
Rematada pois a competición oficial, vémonos nos torneos estivais!
A semana que ven celébrase outra edición do Torneo Cidade de Ferrol, organizado polo Clube Amigos da Chave de Ferrolterra coa colaboración do Padroado de Deportes do concello de Ferrol.
Xogarase no Baluarte de Canido en Ferrol e partidas serán polo menos a partires das 8.
