Cambios na directiva

O pasado domingo houbo unha asemblea extraordinaria onde membros da directiva, despois de cumprir un ciclo, anunciaron o seu cese como directivos. Entre os que deixan a directiva están o anterior presidente, vicepresidente, secretario e tesoureiro.

Na mesma asemblea despois de intentar formar outra directiva sen éxito acordouse formar unha comisión xestora a partir dos membros restantes da directiva co fin de que se poida organizar e levar adiante a organización da próxima edición da liga de chave.

Unha vez posta a andar a liga e pasado un tempo prudencial tentarase de novo formar unha nova directiva, se queres formar parte da directiva ou axudar á comisión xestora a poñer en marcha a liga ponte en contacto con calquera membro da  comisión xestora ou contacta en ferrolterra [arroba] amigosdachave.es

Eventos realizados no ano 2009

Dende o 22 o 26 de Abril de 2009, no Cantón de Molíns, en Ferrol, celebración da XX Edición da Feira do Libro, con xogos tradicionais concretamente a chave levou equipos de Ferrol do “Clube Amigos da Chave de Ferrolterra”.

Días 25 e 26 de Maio de 2009, no Colexio A Xunqueira, en San Valentín – Fene, xogos tradicionais para os nenos, concretamente a chave foi con representantes do “Clube Amigos da Chave de Ferrolterra”.

Sábado, 30 de Maio de 2009, nas instalacións da Feira Internacional de Galicia, en Silleda, celebrouse o IV Encontro escolar galego de xogos tradicionais. Foi unha representación do “Clube Amigos da Chave de Ferrolterra”.

Domingo, 31 de Maio de 2009, en Muimenta (Lugo) Xogos tradicionais Galegos con as catro modalidades de chave Ferrolterra, Ourense, A Coruña e Santiago. Equipos participantes do “Clube Amigos da Chave de Ferrolterra”: Lúa Nova, O’Pazo, C.P.S. San Valentín, L.S. Limodre, Mesón O’Campo e A.V. San Pablo. Continue reading

Informe de actividades 2009

En ocasións as transformacións mais profundas e interesantes son as mais silenciosas por elo creemos humildemente que algo así puido ocorrer no traballo levado a cabo durante estes últimos anos con respecto ao auxe e espallamento da Chave e o coñecemento da mesma tanto en Ferrolterra como en Galicia, e aínda diriamos mais, en España e en Europa isto último grazas a páxina web e a asistencia a foros de carácter Europeo vexase a participación no Encontro Internacional celebrado este ano en Aranda de Duero (Burgos).

Antes de entrar a expoñer as actividades deste ano permitídenos facer unha pequena reflexión, sobre a importancia que as actividades complementarias tiveron para esta directiva e como as mesmas con o paso do tempo foron adquirindo un valor estratéxico no contexto que anteriormente indicabamos. Continue reading