Asamblea extraordinaria o domingo e entrega da documentación

A xunta directiva do “Clube Amigos da Chave de Ferrolterra” convoca a todos os xogadores dos equipos que participan na Liga de chave do ano 2010 a unha asemblea xeral extraordinaria que terá lugar no C.P.S. San Valentín o domingo día 07 de Febreiro ás 12:00 horas, cos seguintes puntos a tratar:

1. Lectura e aprobación da acta anterior se procede
2. Novos membros para futura Xunta Directiva
3. A nova configuración da liga
4. Formas e prazos do aporte de xogadores da liga
5. Prezo acompañantes acto clausura
6. Entrega da documentación para o desenrolo da liga.
7. Rogos e preguntas

Eventos realizados no ano 2009

Dende o 22 o 26 de Abril de 2009, no Cantón de Molíns, en Ferrol, celebración da XX Edición da Feira do Libro, con xogos tradicionais concretamente a chave levou equipos de Ferrol do “Clube Amigos da Chave de Ferrolterra”.

Días 25 e 26 de Maio de 2009, no Colexio A Xunqueira, en San Valentín – Fene, xogos tradicionais para os nenos, concretamente a chave foi con representantes do “Clube Amigos da Chave de Ferrolterra”.

Sábado, 30 de Maio de 2009, nas instalacións da Feira Internacional de Galicia, en Silleda, celebrouse o IV Encontro escolar galego de xogos tradicionais. Foi unha representación do “Clube Amigos da Chave de Ferrolterra”.

Domingo, 31 de Maio de 2009, en Muimenta (Lugo) Xogos tradicionais Galegos con as catro modalidades de chave Ferrolterra, Ourense, A Coruña e Santiago. Equipos participantes do “Clube Amigos da Chave de Ferrolterra”: Lúa Nova, O’Pazo, C.P.S. San Valentín, L.S. Limodre, Mesón O’Campo e A.V. San Pablo. Continua lendo »

Informe de actividades 2009

En ocasións as transformacións mais profundas e interesantes son as mais silenciosas por elo creemos humildemente que algo así puido ocorrer no traballo levado a cabo durante estes últimos anos con respecto ao auxe e espallamento da Chave e o coñecemento da mesma tanto en Ferrolterra como en Galicia, e aínda diriamos mais, en España e en Europa isto último grazas a páxina web e a asistencia a foros de carácter Europeo vexase a participación no Encontro Internacional celebrado este ano en Aranda de Duero (Burgos).

Antes de entrar a expoñer as actividades deste ano permitídenos facer unha pequena reflexión, sobre a importancia que as actividades complementarias tiveron para esta directiva e como as mesmas con o paso do tempo foron adquirindo un valor estratéxico no contexto que anteriormente indicabamos. Continua lendo »

Asemblea xeral extraordinaria o 20 de decembro

A xunta directiva do “Clube Amigos da Chave de Ferrolterra” convoca a tódolos xogadores de os equipos que participaron na Liga de chave do ano 2009 a unha asemblea xeral extraordinaria que terá lugar no Auditório do C.P.S. San Valentín de Fene, o domingo dia 20 de Decembro do 2009 as 12,00 horas na primeira convocatoria e as 12,15 horas na segunda, co seguinte orde do día.

1. Lectura e aprobación da acta anterior se procede
2. Troco do domicilio local social
3. Renovación de membros na Xunta Directiva
4. Rogos e preguntas

Asemblea xeral ordinaria o 13 de decembro

A xunta directiva do “Clube Amigos da Chave de Ferrolterra” convoca a todo-los xogadores de os equipos que participaron na Liga de chave do ano 2009 a unha asemblea xeral ordinaria que terá lugar no C.P.S. San Valentín de Fene, o domingo dia 13 de Decembro do 2009 as 12,00 horas na primeira convocatoria e as 12,15 horas na segunda, co seguinte orde do día.

1. Lectura e aprobación da acta anterior se procede
2. Estado de contas
3. Aportación xogadores Liga
4. Balance deportivo
5. Rogos e preguntas

Modificacións no calendario de chave 2009

Debido que a partires da xornada 05 os equipos do O’Fumazo e O’Fumazo “A” coincidelles de xogar como locais na mesma cancha o resto da Liga, comunicaselle a os equipos da 1ª división que as partidas de O’Fumazo invertiranse ou sexa que cando lle toque xogar como local xogará como visitante dende a xornada 05 ata a xornada 13 final da 1ª volta ambas inclusive, e a partires da xornada 18 ata a xornada 26 final da 2ª volta as partidas de visitante xogará como local.

Comezou a liga de chave

A semana pasada comezou a 22ª edición do campionato de liga de chave de Ferrolterra.

Podedes ver os resultados na sección da liga desta web.

ALTAS DE XOGADORES LIGA 2009
J. Francisco Cartelle Vilar (Bar Xomar) (12/02/09)
Francisco Manuel Pérez Aneiros (As Pintegas de Canosa) (12/02/09)

Recollida da documentación para a liga

A Xunta Directiva do “Clube Amigos da Chave de Ferrolterra” convoca a un representante de cada equipo participante na liga da chave do 2009 a unha reunión que terá lugar o domingo día 08 de Febreiro as 12:00 horas, no “C.P.S. SAN VALENTÍN” de Fene, co obxecto de recolle-la documentación para o desenrolo da liga.

As partidas terán que xogarse respectando obrigatoriamente o regulamento e o horario sinalado, si por algún motivo tivera que atrasarse algunha partida, non debe sobrepasar as dúas semanas e debe comunicarllo a xunta directiva para estudar a situación, pois si non poderían ser motivo de sanción o equipo ou equipos infractores.

Os equipos que xogan como locais son os encargados de deixar as actas no CPS San Valentín (Fene) antes do luns ás 19:00 horas ou no seu defescto nos locis que se cintan a continuación sempre antes do luns ás 14:00 horas, recollendo ao mesmo tempo as clasificacións anteriores.

Equipos de Fene no C.P.S. San Valentín (Fene)
Equipos de Ares e Chanteiro no Lar de Picas (Ares)
Equipos de Limodre, Mugardos e Franza na L.S. Limodre (Fene)
Equipos de Ferrol na A.VV. San Pablo (Ferrol)
Equipos de Neda e Narón no Mesón O’Fumazo (Neda)

Os equipos que non leven as actas a tempo serán eles os encargados de levalas ao CPS San Valentín (Fene).

Recordase que as clasificacións non se levarán a ningún establecemento.

Tamén comunicamos a todo-los equipos a obrigatoriedade que teñen de aboar a cantidade de (1,50 €) por xogador de tódalas xornadas do campionato (26 xornadas). Dita aportación por equipo poderase realizar en un ou dous prazos, antes do remate da 1ª e 2ª volta do campionato, entregaráselle o tesoureiro, ou facendo o ingreso no nº de conta do clube indicando o nome do equipo e o concepto do ingreso, para poder cubrir os gastos que carrexa o desenrolo da liga do ano 2009.

HORARIO DE PARTIDAS

O horario das partidas queda da seguinte maneira:

do 14 de Febreiro o 04 de Abril as partidas xogaranse:

os sábados as 18:00 horas.

do 17 de Abril ata o final da liga as partidas xogaranse:

os venres as 20:00 horas e os sábados as 19:00 horas

Asamblea extraordinaria (14/12/2008)

O 14 de decembro do 2008, o Clube amigos da chave de ferrolterra, reuniuse en asamblea extraordinaria coa seginte orde do día:

1. Renovación de cargos
2. Rogos e preguntas

Cesaron por ter cumprido o tempo regulamentado o tesoreiro D. Ricardo allegue Rodríguez, o vocal D. Ricardo González Martínez.

A asamblea a proposta da directiva acepta a incorporación dos seguintes candidatos: D. David Lago González e a D. Jose Luis Martinez Regueiro os cales son aceptados por unanimidade.

A nova directiva queda conformada da seguinte forma:

Presidente: D. Jaime Iglesias López

Vicepresidente: D. Juan José Rodríguez Pérez

Secretario: D. Carlos Montero Martínez

Tesoureiro: D. Robustiano López Hermida

Vocais: D. Francisco Javier Rodríguez, D. Pablo Brage Adega, D. Israel Allegue vizoso, d. David Lago González, D. Antonio Fernández Couto e D. Jose Luis Martínez Regueiro.

Prazo de Inscrición de equipos para a Liga de Chave 2009

Ábrese o prazo de Inscrición de equipos para a Liga de Chave 2009, os equipos que queiran participar teñen ata o domingo día 11 de Xaneiro do 2009, onde poderán entregar a folla de inscrición e abonar os cartos da cota na reunión que terá lugar as 12 no CPS San Valentín.

Se aínda non a tes, podes descargar aquí a folla de inscricion.