A chave na Gala do Deporte 2009

O próximo venres 20 de Novembro, o Padroado de Deportes do Concello de Narón organiza a Gala do Deporte 2009, na cal entréganse os premios a os mellores deportistas da tempada 2008-2009 no Pazo da Cultura de Narón as 21 horas. Os nominados polo “Clube Amigos da chave de Ferolterra” son Antonio Fernández Couto e Alvaro López López de O’Fumazo de Neda.

Fotos Acto de clausura 2009

Acto de clausura da XXII edición da liga de chave 2009

O vindeiro venres 30 de Outubro celebrarase o acto de clausura e entrega de trofeos da XXII edición da liga de chave de ferrolterra.

O acto será no restaurante La Concha de O’Val (Narón) a partires das 22:00 h.

Inauguración do local social

Continua lendo »

Inauguración do Local Social

O martes día 16 de Xuño do 2009 ás 20:00 h terá lugar a inauguración oficial do Local Social do “Clube Amigos da Chave de Ferrolterra”

O local está situado na planta superior da Escola Fonte do Campo, xunto a Casa da Cultura de Fene.

O Local Social será inaugurado polo Sr. Presidente Alcalde Fene D. Iván Puentes e a Concelleira de Deportes Dna. Carmen Silvar entre outros.

Terán presencia os medios de comunicación e tódolos membros directivos e xogadores de chave que queiran acudir o acto.

Próximos eventos do Clube Amigos da chave

Sábado, 30 de Maio de 2009, nas instalacións da Feira Internacional de Galicia, en Silleda, celebrarase o IV Encontro escolar galego de xogos tradicionais (diptico-silleda [pdf 384 KB])

Ata alí achegarase  unha representación do Clube Amigos da Chave de Ferrolterra.

—

Domingo, 31 de Maio de 2009, en Muimenta (Lugo) Festa de Xogos Tradicionais de Muimenta [pdf. 80 KB] con as tres modalidades de chave

Equipos participantes do Clube Amigos da Chave de Ferrolterra: Lúa Nova, O’Pazo, C.P.S. San Valentín, L.S. Limodre, Mesón O’Campo e A. VV. San Pablo.

—

Xornada de convivencia no colexio da Capela, con colexios de Lleida e de Eivissa, que desde hai dous anos están a traballar conxuntamente nun Proxecto de cooperación territorial, chamado “Xogando coma sempre“.

Celebrarase o martes, 9 de Xuño de 2009 e as exhibicións de xogos con adultos será durante a tarde dese día. Estarán presentes tamén representantes dos xogadores de Birlos ao canteiro, da Asociación Amigos da Órrea, de Riotorto, en Lugo.

Aberto para ir tódolos xogadores do Clube Amigos da Chave de Ferrolterra.

—

Encontro internacional de xogos tradicionais, que se celebrará en Aranda de Duero (Burgos) entre os días 9 e 11 de Xullo de 2009. Estarán presentes as tres modalidades da Chave e tamén os Birlos ao canteiro, de Lugo  (diptico [ pdf 940 KB ] / programa completo [121 KB]).

Irá unha representación do Clube Amigos da Chave de Ferrolterra.

—

Xogos Populares na FOLIDADA ‘09 de Redondela (Pontevedra)

1. Encontro de asociacións de xogos tradicionais de Galicia e Cataluña, concibido como un espazo para o diálogo, intercambio de experiencias, programas de dinamización en distintos ámbitos?
   (sábado de mañá 12 de setembro 2009)

1. Obradoiro de creación de xoguetes tradicionais e de material de refugallo como unha proposta de lecer alternativo fronte ó xoguete máis convencional
   (tarde do sábado 12 de setembro 2009)
2. Exhibición de xogos tradicionais galegos e cataláns, buscando espertar a curiosidade dos asistentes ó festival e a participación interxeracional nos mesmos
   (domingo de mañá 13 de setembro 2009)

irá unha representación do Clube Amigos da Chave de Ferrolterra.

A chave estivo en… A Malata

Seguindo co programa de promoción da chave iniciado pola directiva e invitados pola Fundación Educación Deporte e Saúde (FEDYS) que poñían en marcha o 15 de Novembro o Día do Deporte en Familia, o Clube Amigos da Chave de Ferrolterra colaborou instalando dúas chaves, e aportando como monitores a Javier e Fernado pertencentes o club de Chave AVV San Pablo de Ferrol.

A FEDYS está declarada de interese galego pola xunta de Galicia e está inscrita a Consellería de Cultura e Deporte, os obxectivos son transmitir e potenciar a educación e o desenrolo multicultural grazas ó potencial pedagóxico do deporte e de outros valores.

Pois ben, as actividades mais importantes que desenvolveron foron, o fútbol, patinaxe e xogos populares entre eles esta a chave. Todos os inscritos recibiron un diploma por participar e aprenderon que os xogos compartidos son importantes e axudan a crear hábitos de vida mais saudables.

Mais de trinta persoas participaron neste evento, a maioría nenos acompañados polos pais e incluso algún avó. Os equipos estaban formados por membros da mesma familia ou de varias, cada familia formaba un equipo que xogaba nunha partida de cinco minutos na modalidade que escollía previamente: o equipo gañador podía seguir xogando a que perdera.

Os equipos foron rotando polas diferentes modalidades e podían participar por cantas veces quixeran.

Acudiron o evento o ex xogador do OAR Miguel Juane o adestrador de O’Parrulo, Mario Calvo ademais as xogadoras do Orzán feminino de futbol e a súa adestradora Pilar Meira e diversas autoridades entre elas o alcalde de Ferrol, o concelleiro de deportes e o presidente de FEDYS o ex-xogador de Depor Fran.

Acto de Clausura da XXI Edición da Liga

O pasado día 31 de Outubro o Clube de Amigos da Chave de Ferrolterra reuniu no Restaurante La Concha do Val a preto de 250 persoas entre autoridades, convidados e xogadores para clausurar a XXI Edición da liga.

Agradecemos os representantes da Xunta, Concellos, Deputación, Fundación Caixa Galicia, casas comerciais e empresas; aos medios de comunicación: Diario de Ferrol, Localia TV, Radiofusión Fene; Alcalde e concelleiros pola súa asistencia a este acto, porque co apoio de todos eles nos permiten seguir fomentando este deporte por toda Galiza.

O acto continuou dándolle a benvida os novos equipos: O Son de Cociña, Lúa Nova “A” e Emigrante C.

Parabéns para os equipos que acadaron as primeiras prazas en ambas categorías:

Continua lendo »

Acto de clausura da XXI edición da liga de chave

O vindeiro venres 31 de Outubro celebrarase o acto de clausura e entrega de trofeos da XXI edición da liga de chave de ferrolterra.

O acto será no restaurante La Concha de O’Val (Narón) a partires das 22:00 h.

II Mostra de xogos e deportes tradicionais en Santalla

Este sábado 30 de Agosto celebrarase en Santalla (A Pontenova) outra edición da mostra de xogos tradicionais no que poderánse ver as distintas actividades con visitantes de toda Galicia, Castela-León, Asturias, Portugal e Euskadi con:

• II Torneo de Bolo Celta
• Torneo Liga Nacional de Billarda
• Torneo Liga Galega de Chave
• Exposición Embarcacións Tradicionais
• Exposición Deportes Tradicionais de Bizkaia
• Exhibición de Xogos e Deportes Tradicionais
• Exposición de Obradoiro Xoguetes Tradicionais
• Monta a cabalo

Podedes descargar a programación da II mostra de xogos tradicionais e coñecer todo o programa.