Clube Amigos da Chave de Ferrolterra » Eventos

Voluntarios para o Encontro Escolar de Xogos Tradicionais

Pablo — Fri, 27 Jan 2012 09:39:59 +0000

Queremos reproducir a circular enviada por Brinquedia:

Prezados colaboradores e colaboradoras; entidades, persoas físicas e organismos públicos que dalgún xeito vindes colaborando no desenvolvemento do Encontro Escolar de Xogos Tradicionais que organiza Brinquedia:

En Brinquedia somos conscentes da existencia de diversas continxencias que afectan ao desenvolvemento de actividades fora dos centros, e que poden condicionar a vosa participación na iniciativa que cada ano estamos a convocar.

Pola presente poñémonos en contacto con vós para solicitarvos que nos indiquedes a vosa intención de participar no Encontro de xogos tradicionais que se celebrará este ano 2012 a mediados do mes de Maio. De non producirse un quorum mínimo veriámonos na obriga de suspender a nomeada cita, polo que rogamos comuniquedes a vosa disposición o antes posible (data límite: mes de Xaneiro)

Aqueles interesados en participar que o comuniquen na entrega da documentación

Acto de clausura 2011

Pablo — Thu, 27 Oct 2011 15:52:47 +0000

Xa está case todo preparado para o Acto de clausura do XXIV campionato de liga do Clube Amigos da chave de Ferrolterra nunha cea onde se entregarán os trofeos correspondentes aos campions, subcampions e terceiro e aos equipos máximo chavista das tres categorías coa que conta a liga.

O acto terá lugar contra as 22:00 no Restaurante La Concha de O Val (Narón).

IV Mostra de Xogos e Deportes Tradicionais de Santalla

Pablo — Wed, 20 Jul 2011 13:56:38 +0000

Este é o avance do cartel da IV Mostra de xogos e deportes tradicionais que se celebrará o día 27 de agosto en Antalla (A Pontenova) na provincia de Lugo.

Deporte na rúa 2011

Pablo — Fri, 01 Jul 2011 09:15:48 +0000

Como cada ano o Clube Amigos da Chave de Ferrolterra presta a súa colaboración co Concello de Fene e participa no Día do Deporte na rúa 2011.

Será na avenida de Tarrío de Perlío este domingo día e haberá unha chave colocada de 11 a 13:30 da mañá.

Aqueles interesados en probar a súa puntería e coñecer algo mais do xogo da chave poden aproveitar e tirar unhas mans con nós.

III Festa de Xogos tradicionais

Pablo — Tue, 24 May 2011 12:49:10 +0000

Os chavistas que queran participar neste evento que se poñan en contacto coa directiva, necesitariamos xente para facer catro equipos.

Este ano non haberá Encontro Escolar de Xogos Tradicionais

Pablo — Mon, 25 Apr 2011 17:18:30 +0000

Recibimos esta nota da asociación de xogos tradicionais Brinquedia:

Prezados colaboradores e colaboradoras; entidades, persoas físicas e organismos públicos que de algún xeito vindes colaborando no desenvolvemento do Encontro Escolar de Xogos Tradicionais que organiza Brinquedia:

Pola presente poñémonos en contacto con vós para notificarvos que nos vemos obrigados a suspender, por motivos organizativos, a celebración do VI Encontro Escolar de Xogos Tradicionais previsto para o mes de maio de 2011.

Seguiremos traballando no desenvolvemento de futuros Encontros, para o que agardamos poder contar coa vosa inestimable colaboración.

Unha pena, esperemos que o próximo ano se celebre.

Gala do Deporte de Narón

Pablo — Fri, 26 Nov 2010 12:07:51 +0000

Hoxe celebrase no Pazo da Cultura de Narón a Gala do deporte onde se premia aos mellores deportistas dos distintos deportes e categorias que se xogan no concello. Os premiados na chave serán Fran (Lúa Nova) e Chao (Taberna do … Continue reading →

II festa de xogos tradicionais Xotramu

Pablo — Tue, 01 Jun 2010 10:02:03 +0000

Este domingo celébrase en Muimenta (Lugo) a segunda festa do xogo tradicional.
O Clube Amigos da Chave de Ferrolterra asistirá para amosar a chave de Ferrolterra.

Xornadas de xogos tradicionais en Fene

Pablo — Tue, 27 Apr 2010 12:02:49 +0000

No marco do programa de «Deporte Escolar» comezan as xornadas dedicadas aos xogos tradionais que terán lugar nos arredores do Pavillón da Xunqueira os días 29 e 30 de abril.

Con esta actividade o Concello xuntará novamente ao alumnado de primaria dos centros de ensino feneses.

DATAS:

29 de abril: CEIP Os Casais– CEIP O Ramo – CEIP Centieiras

30 de abril:– CPI A Xuqueira – Colexio Jorge Juan

A xornada terá lugar en horario lectivo de 10:00 a 13:00 e participará todo o alumnado de primaria, dende primeiro ata sexto.

A nova completa en Fene Cidadán.

Os chavistas que queiran colaborar coa iniciativa que contacten con nós, unha man de axuda nunca ven mal.

A chave na Gala do Deporte 2009

Pablo — Mon, 16 Nov 2009 15:09:58 +0000

O próximo venres 20 de Novembro, o Padroado de Deportes do Concello de Narón organiza a Gala do Deporte 2009, na cal entréganse os premios a os mellores deportistas da tempada 2008-2009 no Pazo da Cultura de Narón as 21 horas. Os nominados polo “Clube Amigos da chave de Ferolterra” son Antonio Fernández Couto e Alvaro López López de O’Fumazo de Neda.