Na asemblea realizada o pasado día 22 de xaneiro acordouse que dados os problemas para recadar o segundo prazo da cota por xogar decidiuse, despois de sopesar a opción de un pago único (irrealizable esta tempada por falta de tempo), que o segundo prazo de 12€ por chavista se aporte no momento de recibir o material para a liga.

O material para a liga entregarase o domingo 5 de febreiro no CPS de San Valentín (Fene).

Entregaranse os calendarios, bloc de actas (en caso de necesidade, un blog abonda para varias tempadas), sobres para entregar as actas e listado de xogadores da liga. Aos novos tamén se entregará unha carpeta e o regulamento da chave.

Así que antes de ir comprobade se necesitades bloc. De todos xeitos o club poderá proporcionar o bloc a media tempada en caso de ser necesario.

Se non tedes o formulario aqui o podedes descargar: folla inscripcion 2012 [pdf ]

Xunto o voso nome e apelido ven unha columna para «nome en acta», esto refirese a que nun mesmo pode haber dous Alfonso por exemplo, pero un é coñecido como Sito e outro por Alfonso, ou pode que lle chamen polo apelido ou por un alcume… é importante que cada xogador teña un nome diferenciado para poder levar a conta de chaves de cada un sen cometer erros.

Tamén é necesario poñer un teléfono de contacto no que a persoa conteste no caso de que (cousa bastante frecuente) haia que cambiar o horario da partida por motivos laborais ou de forza maior.

Tamén axuda poñer un email de contacto xa que facilita moito a comunicación da directiva cos equipos.

Se tes pensado entrar a xogar na liga ou coñeces algún equipo que se de de baixa axudanos contactando con nos para ir preparando a liga.

22 de xaneiro ás 12:00 no CPS San Valentín: Asemblea xeral para os socios actuais para dar peche a tempada 2011 nunha  que contará cos seguintes puntos:

1. Lectura e aprobación da acta anterior se procede
2. Estado de contas
3. Balance deportivo
4. Rogos e preguntas

Ante os problemas horarios que ten a actual directiva para os tramites administrativos nos concellos, solicitamos voluntarios con disponibilidade horaria ou a posibilidade de externizar a xestion do clube. As decisións desta asemblea materializaranse nunha asemblea extraordinaria que terá lugar a continbuación da ordinaria.

22 de xaneiro á 13:00:  Recollida dos formularios de inscricion [pdf 92 KB] para a nova tempada.

5 de febreiro: Entrega da documentación aos equipos (calendarios, blocs, …)

18 de febreiro: Inicio da liga de chave 2012.

Os equipos que queiran participar na liga so teñen que encher o formulario e entregalo pagando a cota de inscripción.

Fotografía do equipo actual do Lúa Nova de Sillobre (Fene), actualmente na cuarta posición.

Recordamos que se nos comunicades cando se aplaza unha partida e cando se está plantexada xogar axudanos a facer o correcto seguimiento da liga.
O podedes facer no correo ferrolterra@amigosdachave.es o no noso facebook.

A continuación farase una asemblea extraordinaria onde se formalizará a actual xunta xestora en xunta directiva oficial.

A documentación para apuntarse foi entregada a todos os equipos que participaron o ano pasado e a aqueles que amosaron interese por participar, se aínda non tes o formulario podes descargalo a continuación:

Folla de inscricion liga 2011 [93 KB]

Na primeira división despois dunha primeira fase da liga onde os seus seguidores puideron seguirlle o paso O Pazo volveu a marcar distancias co resto da tempada e volve a ser campión

1. O Pazo
2. L.S. Limodre
3. Lúa Nova

Na segunda división dous equipos que militaron na primeira división a tempada pasada volverán ao seu sitio acompañados polo Fumazo A

1. A.VV. San Pablo
2. A Curva do Pazo
3. Fumazo A

Na terceira división produciuse un fito nunca antes visto e foi que o primeiro clasificado, o Cuatro Caminos formado por xente con experiencia na liga, gañou todos os partidos da liga sen excepción. Todo un récord.

1. Cuatro Caminos
2. Mandiá
3. A.VV. Serantes B

Este ano gracias a distribución en tres categorías as ligas equilibráronse e en todas as categorías se ben a parte superior da táboa decidiuse antes, os postos medios e baixos tiveron que esperar ate o último momento para decidirse.

Os tres primeiros clasificados de segunda e terceira teñen praza asegurada na categoría superior o ano que ven e os descensos, como todos os anos, virán determinados polo número de equipos cos que a liga conte o ano pasado. Este ano xa houbo un aumento de cinco equipos respecto o ano pasado e para a tempada que ven esperamos outro aumento na participación.

Rematada pois a competición oficial, vémonos nos torneos estivais!

a estas alturas aínda está todo por decidir. Na primeira división entre o terceiro clasificado e o once hai seis puntos de distancia e na segunda os postos de descenso e ascenso estan moi lonxe de estar decididos.

Recordar tamén que aínda hai equipos pendentes do pago do segundo prazo da cota e que deberán ingresar os cartos na conta bancaria que figuraba nunha circular previa.

Sorte a todos os equipos!