Capítulo III – Equipos e Xogadores
3.1.- Tódolos xogadores están obrígados a coñecer e respectar o Regulamento en vigor, a ignorancia total ou parcial do mesmo non o desculpa das infraccións que contra el poida cometer.
3.2.- Cada equipo estará formado por cinco xogadores, podendo xogar tres de principio e cambiar calquera dos outros dous despois da segunda man da primeira partida, non podendo xogar despois os xogadores substituídos.
3.3.- Os xogadores non están obrígados a ter continuidade, podendo os compoñentes dos mesmos a xogar en equipos distintos dun campionato a outro.
3.4.- Na colocación da chave so pode facelo un xogador do equipo que está realizando o tiro, pero si o desexan, poden na mesma xogada ou noutras, relevarse por outro xogador que non lle corresponda realizar o tiro.
3.5.- No momento que a chave está na posición para o tiro o xogador que a está colocando non pode tócala coa man nin outra parte do corpo así como tampouco pegar o pantalón o cadro da chave, habendo unha separación como mínimo de vinte centímetros aproximadamente na súa verticalidade, tampouco se poderá poñer por detrás da chave.
3.6.- Si o xogador que está poñendo a chave non fai caso do artigo anterior, o xuíz anotador debe anular as chaves que fixo o seu compañeiro de equipo mentres este xogador estivo pegado a chave tocando co pantalón ou co a man o cadro da paleta da chave.
3.7.- Os xogadores que están xogando, pero non están realizando o tiro, se colocarán de tal forma no campo que non deben molestar o que a está realizando.
3.8.- Un equipo pode quedar eliminado de un campionato, ademais das normas, por perder, por incomparecencia, mal comportamento de palabra ou obra e por retirarse do mesmo sen motivo xustificado, podendo ser sancionado coa non inscrición temporal en futuras competicións tanto como equipo como individualmente.
Deixa unha resposta
