Taberna do Feal campión de liga 2012

Esta fin de semana rematou a liga coa vitoria da Taberna do Feal na primeira división que repite o título que acadara no 2008 e que supón outro respiro na hexemonía de O Pazo na liga, o equipo de Franza este ano conformouse coa segunda posición ademais de acadar o trofeo ao equipos máximo chavista. A terceira posición é para o Lúa Nova.

Na segunda categoría o Brión Poniente quedou destacado na primeira praza e gaña tamén o trofeo ao equipo máximo chavista, seguido polo Fumazo A que retorna á primeira e o Imaxina Pazos que na tempada pasada militaba na terceira división e completa así a súa ascensión meteórica.

E para rematar na terceira categoría dous equipos de recente creación xogarán o ano que ven en segunda despois de que O Cruceiro A e O Cruceiro B acadasen a 3ª e 1ª posición respectivamente, a outro praza de ascenso é para o Emigrante C que recupera a categoría un ano despois do seu descenso.

O AVV Brión Castelao optou ate o último momento pola terceira praza ata chegar a empatar con O Cruceiro A pero a pesar de contar con mais chaves, no enfrontamento directo entre eles gaña o Cruceiro:

O Cruceiro A – AVV Brión Castelao    4 – 0    27 – 25    33 – 22
AVV Brión Castelao – O Cruceiro A    4 – 0    21 – 19    33 – 26

O Cruceiro A: 27 + 33 + 19 + 26 = 105 / AVV Brión Castelao: 25 + 22 + 21 + 33 = 101

No canto aos descensos e continuando a política levada na liga so o último clasificado ten asegurado que a vindeira tempada xogará nunha categoría inferior, posto que o nº de equipos por categoría dependerá do numero de equipos totais intentando sempre que as divisións estean equilibradas.

Agora empeza a tempada de torneos estivais, estade atentos ao noso calendario y se sodes organizadores dun torneo comunicádenolo ou grazas a unha nova opción que activaremos en breve poderédelo anunciar vós mesmos nesta web.

No ecuador da tempada

Na fin de semana que empeza hoxe terá lugar o final da primeira volta e o inicio da segunda, tamén será o momento de cambiar o horario das partidas: comezamos a xogar partidas os venres e sábados e aproveitar que os días son mais longos para atrasar o inicio das partidas (venres ás 20:00 e sábados las 19:00).

Facendo un resumo da primeira volta podemos contemplar que despois dun convulso inicio de liga na primeira división a cabeza da táboa volve a estar formada polos equipos que historicamente dominaron a categoría.

Na segunda división o mais salientable é a igualdade que hai entre os equipos, se ben en anos pasado podíase ver unha diferencia entre os equipos da parte superior e a inferior la clasificación hoxe as medias de todos os equipos andan sobre as trinta chaves por partida o que depara moitas sorpresas nos enfrontamentos.

Para rematar outro ano mais a terceira división conta non novas incorporación que empezan con forza, outro ano mais os primeiros postos están ocupados con equipos de nova creación.

Podedes seguir os resultados na sección da liga de chave nesta mesma web.

Por último lembrade (e agora mais que hai dúas partidas por semana) que se non podedes xogar a partida no día intentade xogala antes e se tedes que atrasar avisade á directiva ben sexa por email ou por telefono para que non vaiamos a buscar as actas en balde.